ახალი ამბები მთავარი საზოგადოება

ლევან დადუნაშვილის ოაჯხის წევრების შეხვედრა პატრიარქთან დასრულდა

ხორავას ქუჩაზე მოკლული ლევან დადუნაშვილის ოჯახის წევრების შეხვედრა პატრიარქთან დასრულდა. ოჯახის წევრებს შეხვედრის დეტალებზე არ უსაუბრიათ. ლევან დადუნაშვილის მამამ  აღნიშნა, რომ პატრიარქმა ისინი დალოცა.

” კიდევ ერთხელ ვამბობ, ჩემი ოჯახი დალოცა. შეხვერდა საპატრიარქოს ინიციატივით შედგა, ჩვენ შეხვედრა დაგეგმილი არ გვქონდა” – განაცხადა ლევან დადუნაშვილის მამამ.

რამდენიმე წუთის წინ დასრულდა ასევე ხორავას ქუჩაზე მოკლული დათო სარალიძის ოჯახის წევრების და ილია მეორეს შეხვედრა.

შეგახსენებთ, რომ ორი დღის წინ,  ღამით, აქციაზე მისულ პრემიერ გიორგი კვირიკაშვილს სიტყვის თქმა არ აცალეს, ბოთლები ესროლეს და ის იძულებული გახდა დაეტოვებინა საპროტესტო აქცია. მანამდე ის ზაზა სარალიძესთან მივიდა, მიუსამძიმრა და გადაეხვია.

მოგვიანებით, მან კანცელარიაში ბრიფინგი გამართა და განაცხადა, რომ ვერ ხედავს გადადგომის მიზეზს. მან საქმის გამოძიება, რომლის გამოც დაიწყო არეულობა, შსს-ს გადასცა. კვირიკაშვილის თქმით, შს მინისტრ გახარიასთან ერთად ის პირადად მიადევნებს თვალს გამოძიებას.

მანამდე, საქართველოს მთავარი პროკურორი ირაკლი შოთაძე გადადგა. მან ეს გადაწყვეტილება ხორავას ქუჩის საქმეზე მოსამართლის გადაწყვეტილების შემდეგ მიიღო.

თბილისის საქალაქო სასამართლოს მოსამართლე ეკა არეშიძემ, 6-თვიანი დახურული სასამართლო განხილვის შემდეგ, ხორავას ქუჩაზე მოკლული №51 სკოლის მოსწავლეების, ლევან დადუნაშვილისა და დავით სარალიძის მკვლელობის საქმეზე სარეზოლუციო ნაწილი გამოაცხადა და დავით სარალიძის მკვლელობაში ბრალდებულს მუხლი გადაუკვალიფიცირა. ის დამნაშავედ არა განზრახ მკვლელობაში, არამედ მცდელობაში სცნო. მეორე ბრალდებულიც სარალიძის მკვლელობაში უდანაშაულოდ გამოაცხადა, ხოლო დადუნაშვილის მკვლელობაში სრულიად დამნაშავედ სცნო. ამ გადაწყვტილებას ზაზა სარალიძის მხრიდან აქციების დაწყება მოყვა. მან მოსახლეობას მოუწოდა, რომ გვერდით დადგომოდნენ.

ხორავას ქუჩაზე ორი მოზარდი 2017 წლის 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე მოზარდი კი, ექიმების მცდელობისა და რამდენიმე ოპერაციის ჩატარების მიუხედავად, 2 დეკემბერს, საავადმყოფოში დაიღუპა. განზრახ მკვლელობის მუხლით დაკავებულია 2 არასრულწლოვანი, ხოლო დანაშაულის დაფარვის მიზნით პასუხისგებაში 5 პირია მიცემული. საქმეზე სასამართლო პროცესები მიმდინარეობს.

სხვა ამბები

“რასაც ოცნებიდან წასულებს ვუსმენ გამოდის, რომ  ნაციონალებმა ჩაუნერგეს ბიძინას მურუსიძე” – ზურაბიშვილი

newsadmin

როგორი ამინდია მოსალოდნელი საქართველოში – გარემოს ეროვნული სააგენტო განცხადებას ავრცელებს

newsadmin

“ივანიშვილს პირისპირ შევხვდი და ვუთხარი, რომ პარტიიდან წასვლის დღეს პრესკონფერენციით არ გავაგებინებდი” – ბესელია

newsadmin

“ღვთის წინაშე ვამბობ, როცა ვიღაცამ გადაწყვიტა მორალური ტერორით გავეჩერებინე, მაშინ მივიღე ეს გადაწყვეტილება” – ბესელია

newsadmin

“როგორც ვიცი გედი ფოფხაძემ უკვე დატოვა ფრაქცია” – მდინარაძე

newsadmin

“როდესაც ხარ არასამთავრობო ორგანიზაცია, პოლიტიკურ სპექტაკლებში არ უნდა მონაწილეობდე” – კობახიძე მშვენიერაძეს

newsadmin
იტვირთბა....