როგორც დედაქალაქის მერი აცხადებს, თბილისში ცხოველთა კვებისთვის განკუთვნილი აპარატები დამონტაჟდება, რომელსაც ცხოველთა სააგენტო განახორციელებს.
“2 პროექტზე მინდა მოგახსენოთ, რომლებიც განხორციელდება. ერთი, არის ცხოველთა კვებისთვის განკუთვნილი აპარატების დაყენება. მიმდინარე წელს ვგეგმავთ ამ იდეის განხორციელებას და დედაქალაქში რამდენიმე ასეთი აპარატი დამონტაჟდება,” – განაცხადა კალაძემ.
შეგახსენებთ, მერის ინიციატივით პლატფორმა “შენი იდეა ქალაქის მერს” ფარგლებში მოსახლეობას ჰქონდა შესაძლებლობა წარედგინა თავისი იდეები, ხედვები და პროექტები, თუ რისი განხორციელება შეიძლება ქალაქში.