შეერთებული შტატების ცენტრალურ სადაზვერვო სააგენტოს, ისტორიაში პირველად ქალი უხელმძღვანელებს.
61 წლის ჯინა ჰასპელმა პოსტზე ახლად დანიშნული სახელმწიფო მდივანი, მაიკ პომპეო შეცვალა. მიუხედავად იმისა, რომ მისი მოწინააღმდეგეები ჰასპელს, 11 სექტემბრის ტერაქტების შემდეგ “სი-აი-ეი”-ში დაკითხვების დროს ძალის გადამეტებასთან კავშირს აბრალებენ, სენატმა მის კანდიდატურას მხარი მაინც დაუჭირა.
33 წლიანი კარიერის განმავლობაში, ჰასპელი საიდუმლო აგენტის სტატუსით სხვადასხვა ქვეყანაში, მათ შორის რუსეთშიც მსახურობდა.