იერუსალიმში აშშ-ის საელჩოს ადგილმდებარეობის მაჩვენებელი საგზაო ნიშნები გამოჩნდა. აშშ-ის პრეზიდენტის, დონალდ ტრამპის გადაწყვეტილებით, იერუსალიმში აშშ-ის საელჩოს გახსნა მომდევნო კვირაშია დაგეგმილი. ინფორმაციას ადგილობრივ მედიაზე დაყრდნობით “1ტვ” ავრცელებს.
მანამდე, აშშ-ის დიპლომატიური წარმომადგენლობა სხვა ქვეყნების მსგავსად, თელ-ავივში იყო განთავსებული.
საგზაო ნიშნები სამ ენაზე, ინგლისურად, ებრაულად და არაბულადაა შექმნილი.
აშშ-ის პრეზიდენტმა ისრაელის დედაქალაქად იერუსალიმის აღიარების და საელჩოს გადატანის გადაწყვეტილება გასული წლის დეკემბერში მიიღო. პალესტინელებს კი სამომავლო დედაქალაქად აღმოსავლეთ იერუსალიმის გამოცხადება სურთ.
ისრაელმა იერუსალიმის აღმოსავლეთ რაიონები 1967 წლის ომის შემდეგ დაიკავა.