“ამ გადაწყვეტილებას არაფერი აქვს საერთო არც სამართალთან, არც ადამიანის უფლებებთან. ეს არის დაბრუნება შუა საუკუნეების ინკვიზიციაში, რომელსაც დღეს საქართველოს სახელით გვაცნობს თბილისის საქალაქო სასამართლო”- ასე აფასებს პრეზერვატივების ქართული ბრენდის “აიისას” მიმართ სასამართლოს მიერ გამოტანილ განაჩენს მოპასუხე მხარის ადვოკატი გიორგი მშვენიერაძე, რომელმაც მისი დამფუძნებელი ანანია გაჩეჩილაძე 500 ლარით დააჯარიმა. მოსამართლემ მიიჩნია, რომ პრეზერვატივების შეფუთვა არაეთიკურია.
“სამწუხაროა, რომ ამ ქვეყანაში კონსტიტუციური უფლებები ნელ-ნელა იქცევა ფარატინა ქაღალდად და ბატონობას იწყებს საზოაგდოების გარკვეული ნაწილის ნება, მორალი, ზნეობის და ღირსების სახელით და გვართმევენ ადამიანებს ფუნდამენტურ უფლებებს. ამაზე საშიში პრეცედენტი საქართველოს უახლოეს ისტორიაში გამოხატვის თავისუფლებასთან დაკავშირებით არ ყოფილა და ეს არის სიგნალი, რომელიც ყველას გვავალდებულებს დავფიქრდეთ და გავიაზროთ რა საშიშ თამაშში ჩაერთო სასამართლო ხელისუფლება და რა საშიში მოთხოვნები დაუწესა ადამიანებს”- განაცხადა ადვოკატმა გიორგი მშვენიერაძემ.
მისი თქმით, მოსამართის აღნიშნულ გადაწყვეტილებას სააპელაციო სასამართლოში გაასაჩივრებს.
“ამ საქმესთან დაკავშირებით აუცილებლად მივმართავთ საკონსტიტუციო სასამართლოს. თუკი ეს პრეცედენტები და საქმიანობა არ იქნება საკმარისი, აუცილებლად წავალთ ადამიანის უფლებათა ევროპულ სასამართლოში”- დასძინა მშვენიერაძემ.
თბილისის მერიამ მიიჩნია, რომ პრეზერვატივ “აიისას” არასათანადო და არაეთიკური რეკლამა აქვს და დასაჯარიმებლად ადმინისტრაციული სამართალდარღვევათა ოქმი შეუდგინა. საუბარია ორ სხვადასხვა შეფუთვაზე, სადაც თამარ მეფის გამოსახულება და ორთითზეწამოცმული პრეზერვატივია აღბეჭდილი.
კომპანიასთან დაკავშირებით თბილისის მერიას ქართულმა იდეამ მიმართა.
“განსაკუთრებით აღმაშფოთებელია ის, რომ პრეზერვატივზე გამოსახულია ადამიანის ხელი, რომლის სამი თითი (ნეკა, ცერა, არათითი) მოხრილია, ხოლო ორი (საჩვენებელი და შუათითი) გასწორებულია. ორ გასწორებულ თითზე ჩამოცმულია პრეზერვატივი. პრეზერვატივზე გამოსახული ხელის ფორმით საქართველოს მართლმადიდებელი ეკლესიის სასულიერო პირები მღვდელმოქმედებისას გამოსახავენ ჯვარს და ასევე ამ ფორმით ლოცავენ მრევლს”, – ვკითხულობთ ქართული იდეის მიერ თბილისის მერიისთვის მიწერილ წერილში.
თბილისის მერიამ სამართალდარღვევათა ოქმი ადმინისტრაციულ სამართალდარღვევათა კოდექსის 159-ე მუხლით გამოწერა. ამ მუხლით ფიზიკური პირი 500 ლარით, იურიდიული პირი კი – 3 000 ლარით ჯარიმდება.
მერიას მიაჩნია, რომ აიისამ ერთდროულად რეკლამის შესახებ კანონის ორი მუხლი დაარღვია:
არასათანადო რეკლამა – არაკეთილსინდისიერი, არასარწმუნო, არაეთიკური, შეცდომაში შემყვანი ან სხვა რეკლამა, რომელშიც დარღვეულია მისი შინაარსის, დროის, ადგილის ან გავრცელების წესის შესახებ საქართველოს კანონმდებლობით დადგენილი მოთხოვნები.
არაეთიკური რეკლამა – რეკლამა, რომელიც ფიზიკურ პირთა ეროვნების,რასის, პროფესიის, სოციალური საკუთრების, ასაკის, სქესის, ენის, რელიგიის, პოლიტიკური და ფილოსოფიური მრწამსის მიმართ შეურაცხმყოფელი სიტყვებისა და შედარებების გამოყენებით არღვევს საყოველთაოდ აღიარებულ ჰუმანურ და ზნეობრივ ნორმებს, ხელყოფს ეროვნულ და მსოფლიო კულტურულ საგანძურში შემავალ ხელოვნების ობიექტებს, ისტორიულ და არქიტექტურულ ძეგლებს, ბღალავს სახელმწიფო სიმბოლიკას (დროშა, გერბი, ჰიმნი) საქართველოს ან სხვა სახელმწიფოს ეროვნულ ვალუტას, რელიგიურ სიმბოლოებს, ფიზიკურ ან იურიდიულ პირებს, მათ საქმიანობას, პროფესი