საქართველოს პრეზიდენტი გიორგი მარგველაშვილი გადაცემა “რეაქციაში” აცხადებს, რომ “ქართული ოცნება” ძალიან სერიოზულ წინასაარჩევნო პიარს უკეთებს. მან გადაცემაში მმართველი გუნდის ბრალდებებს უპასუხა. მარგველაშვილი ამბობს, რომ “ქართული ოცნება” მისი რეიტინგის აწევით არის დაკავებული.
“მე არაფერს ვაკეთებ იმიტომ რომ არ ვარ წინასაარჩევნო კამპანიაში. რა თქმა უნდა “ქართული ოცნება” ძალიან სერიოზულ პიარს მიტარებს. მე მგონი მაგით არიან დაკავებულები რომ აწიონ ჩემი რეიტინგი. ყოველდღე ამაზე მუშაობენ”, – განაცხადა გიორგი მარგველაშვილმა.