გვარამია: "ივანიშვილი კოდუას უნდა უმადლოდეს, რომ ხეზე ჩამომხრჩვალი არ კონწიალობს" - Metronome.Ge
ახალი ამბები მთავარი საზოგადოება სამართალი

გვარამია: “ივანიშვილი კოდუას უნდა უმადლოდეს, რომ ხეზე ჩამომხრჩვალი არ კონწიალობს”

“რუსთავი 2”-ის გენერალური დირექტორი ნიკა გვარამია ერეკლე კოდუას პასუხისმგებაში მიცემას სოციალურ ქსელში ეხმაურება ეხმაურება და აცხადებს, ერეკლე კოდუამ ქვეყანას სახელმწიფო გადატრიალება აარიდა.

“ერეკლე კოდუამ ქვეყანას სახელმწიფო გადატრიალება აარიდა. აი ასე, მარტო მტრის ბუნაგში შევიდა და უტყუარი მტკიცებულებები გამოიტანა. სიცოცხლის რისკის ფასად. არ იზამდა და იქნებოდა დღეს ბადროკრატია საქართველოში. და გამოიცანით პირველივე ხეზე ვის ჩამოახრჩობდა პატარკაციშვილი – ბიძინა ივანიშვილს! და ეს მშვენივრად იცოდა ივანიშვილმა და ყოველდღიურ რეჟიმში მოითხოვდა ბადრის ლამის დახვრეტას და იმედის მიწასთან მოსწორებას (იმედია, არ იკითხავთ, მე საიდან ვიცი).

ასე რომ, კოდუას უნდა უმადლოდეს ბიძინა, რომ ცოცხალია და დღეს ხეებს ეზოში რგავს და არა ზედ ჩამომხრჩვალი კონწიალობს”, – წერს გვარამია.

შეგახსენებთ, რომ საქართველოს პროკურატურამ ჩატარებული გამოძიების შედეგად, 2007 წლის 7 ნოემბერს სამაუწყებლო კომპანია “იმედში” უკანონოდ შეჭრის და ტელეკომპანიის დარბევის ფაქტზე, შინაგან საქმეთა სამინისტროს სპეციალური ოპერატიული დეპარტამენტის (ს.ო.დ.) ყოფილი დირექტორი ე.კ. სამსახურებრივი უფლებამოსილების ძალადობით გადამეტების ბრალდებით, სისხლის სამართლის პასუხისგებაში მისცა.

ამავე თემაზე
იტვირთბა....