მაცხოვრის საფლავზე გადმოსულ ზეციურ ცეცხლს იერუსალიმიდან საქართველოში, თბილისის აეროპორტში დღეს 23:45 წუთზე ჩამოიტანენ.
აეროპორტში წმინდა ცეცხლს სასულიერო პირები და მრევლი დახვდება. ღვთაებრივი ცეცხლის წაღება ყველა მსურველს შეეძლება.
აეროპორტიდან ღვთაბრივ ცეცხლს ყოვლადწმინდა სამების საკათედრო ტაძარში მიიტანენ, სადაც საქართველოს კათალიკოს-პატრიარქი, ილია მეორე სააღდგომო ლიტურგიას აღავლენს. წმინდა ცეცხლს ასევე საქართველოს ყველა მოქმედ ტაძარში მიიტანენ.
ზეციური ცეცხლის მაცხოვრის საფლავზე გადმოსვლის მხილველი მართლმადიდებლური სამყარო დღეს კიდევ ერთხელ გახდა. დღეს, იერუსალიმში 15:16 წუთზე ცეცხლი მაცხოვრის საფლავზე კიდევ ერთხელ გადმოვიდა.
წყარო: Imedinews.ge