საფრანგეთის ყოფილი პრეზიდენტი ნიკოლა სარკოზი დააკავეს.
ფრანგული გამოცემა Le Figaro-ს ინფორმაციით, 2007 წლის საპრეზიდენტო კამპანიის დაფინანსების საქმესთან დაკავშირებით, სარკოზი იზოლატორში იმყოფება.
ფრანგული მედია წერს, რომ გამოძიება ყოფილ პრეზიდენტს საპრეზიდენტო კამპანიის უკანონო დაფინანსებას ედავება. გავრცელებული ინფორმაციით, საფრანგეთის ყოფილმა პრეზიდენტმა უკანონო დაფინანსება ლიბიის ყოფილი ლიდერისგან, მუამარ კადაფისგან მიიღო. ნიკოლა სარკოზი უახლოეს მომავალში დაიკითხება.
აღნიშნულ საქმესთან დაკავშირებით, გამოძიება 2013 წელს დაიწყო. Le Monde წერს, რომ ნიკოლა სარკოზის დაკავების ვადა 48 საათია.