საქართველოს მოქალაქეებს სერბეთში ჩასვლა უკვე უვიზოდ შეუძლიათ. შესაბამისი ინფორმაცია სერბეთის საგარეო უწყების ვებ-გვერდზე გამოქვეყნდა.
უვიზო მიმოსვლის შესახებ დოკუმენტს ხელი 7 მარტს, ბელგრადში საქართველოს ვიცე-პრემიერის, საგარეო საქმეთა მინისტრის მიხეილ ჯანელიძის ვიზიტის დროს მოეწერა.
8 მარტს დოკუმენტი სერბეთის მთავრობამ დაამტკიცა. ამის შემდეგ ის ოფიციალურ გამოცემაში გამოქვეყნდა და ძალაში შევიდა.
საქართველოს მოქალაქეებს სერბეთში უვიზოდ ყოფნა 30 დღემდე პერიოდით შეუძლიათ.