თბილისში, ვერაზე, საკუთარ საცხოვრებელ სახლში მოკლული კაცი წარსულში მრავალჯერ ნასამართლევია. ინფორმაციას შინაგან საქმეთა სამინისტროც ადასტურებს.
მოკლულს სავარაუდოდ ჭრილობები თავის არეში აქვს მიყენებული. გამოძიების წინასწარი ვერსიით, ამ ეტაპზე მკვლელობის მოტივად შურისძიება სახელდება. ფაქტზე გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.