“ადვოკატი კახიძე გვეუბნება, რომ ვანო ჯავახიშვილი შერჩევითად ხუმრობს, კერძოდ, გიგი უგულავას (მის ერთ დაცვის ქვეშ მყოფს) დასცინის და ვანო მერაბიშვილს (მის მეორე დასაცავს) – საეჭვოდ არა. თან, სავარაუდოდ, ვანოს სიმპატიას მეორე ვანოს მიმართ გვახსენებს, ქარაგმულ-ინტელექტუალური ნიშნისმოგებით. არადა, ვანო მერაბიშვილზე ბევრად მეტი განაჩენი დადგაო, დასძენს.
აი, ასე ივიწყებენ ადვოკატები საკუთარ პროფესიას პოლიტიკური კეკლუცობის დროს და იწყებენ დასაცავის წინააღმდეგ საჯაროდ მოქმედებას.
ps ციხეში მჯდომებზე ვანო ჯავახიშვილის ხუმრობა არ მახსენდება, ტყუილად ცდილობ გამოტყუო. არც უგულავაზე ხუმრობდა, როცა იჯდა”,- ასე გამოეხმაურა ნიკა გვარამია სოციალურ ქსელში ოთო კახიძეს.
შეგახსენებთ, რომ “ევროპული საქართველოს” წევრმა ოთარ კახიძემ გუშინ სოციალურ ქსელში ვანო ჯავახიშვილი გააკრიტიკა.