ფინანასთა სამინისტროს საგამოძიებო სამსახურმა ყალბის ფულის შენახვა-გასაღების ფაქტზე ერთი პირი დააკავა.
გამოძიებით დადგინდა, რომ ბრალდებულმა, შიდა ქართლის რეგიონში, ოთხი ერთეული ყალბი 100 აშშ დოლარიანი კუპიურა გაასაღა. დაკავებისას, ამოიღეს 200 აშშ დოლარის ოდენობის ყალბი კუპიურა.
საქმეზე გამოძიება გრძელდება საქართველოს სისხლის სამართლის კოდექსის 212-ე მუხლის პირველი ნაწილით, რაც სასჯელის სახით თავისუფლების აღკვეთას 4-დან 7 წლამდე ვადით ითვალისწინებს.