დღეს განთიადის დასახლებაში 28 წლის ქალს მატარებელი დაეჯახა. დაშავებული საავადმყოფოშია გადაყვანილია.
როგორც “მერტონომს” შსს-ში განუცხადეს, ფაქტზე დაწყებულია გამოძიება სისხლის სამართლის 275-ე მუხლის პირველი ნაწილით, რაც გულისხმობს რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე ან მძიმე დაზიანება გამოიწვია.