სასჯელაღსრულებისა და პრობაციის სამინისტრო გლდანის ციხეში ყელგამოჭრილ პატიმართან დაკავშირებით განცხადებას ავრცელებს.
უწყების ცნობით, მსჯავრდებულმა თვითდაზიანება მიიყენა, რომელიც საკანში 3 პირთან ერთად იმყოფებოდა.
„მსჯავრდებულმა ჩ.ნ.-მ 10 თებერვალს საკნის საპირფარეშოში თვითდაზიანება მიიყენა. მსჯავრდებულს ციხის ადმინისტრაციამ მყისიერად აღმოუჩინა საქმედიცინო დახმარება. რის შემდეგაც ის დაუყოვნებლივ იქნა გადაყვანილი სამოქალაქო კლინიკაში. მსჯავრდებულის ჯანმრთელობის მდგომარეობა ამ დროისთვის სტაბილურად მძიმეა.
მსჯავრდებული ჩ.ნ საკანში 3 თანამოსაკნესთან ერთად იმყოფებოდა. მომწეთა ჩვენებით, სავარაუდოდ, მსჯავრდებულმა თვითდაზიანება მიიყენა ერთჯერადი საპარისის პირით“, – ნათქვამია უწყების განცხადებაში.
10 თებერვალს, გლდანის #8 დაწესებულებაში პატიმარი ყელგამოჭრილი იპოვეს. დაჭრილი პატიმრის მდგომარეობა ამ დრომდე მძიმეა და ის ღუდუშაურის კლინიკაში იმყოფება.
შინაგან საქმეთა სამინისტროში აცხადებენ, რომ გამოძიება სისიხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
დაჭრილი პატიმრის უფლებების დამცველის, არჩილ ჩოფიკაშვილის განცხადებით, ოჯახს აღნიშნულ ფაქტთან დაკავშირებით კითხვები აქვთ. ისინი გამოძიების ვერსიას – თვითმკვლელობის მცდელობას, არ იზიარებენ. მისი თქმით, წარმოუდგენელია, რომ ადამიანმა თვითმკვლელობა სცადა და იარაღი ნაპოვნი არ არის.