ხორავას ქუჩაზე მოზარდების მკვლელობის საქმეში ბრალდებულთა ადვოკატები ვარაუდობენ, რომ თვითმხილველების დაკითხვა საქმის არსებითი განხილვის დასასრულს მოხდება.
ადვოკატმა ტარიელ კაკაბაძემ ჟურნალისტებს განუცხადა, რომ დღეს დაზარალებულთა უფლებამონაცვლეები დაიკითხნენ. მისივე თქმით, გარდაცვლილი მოზარდების მშობლებმა სასამართლოს მოახსენეს, თუ რა ინფორმაცია ჰქონდათ მომხდარზე და საიდან შეიტყვეს ფაქტი.
თუმცა, ადვოკატმა აღნიშნა, რომ გამომდინარე იქიდან, რომ მშობლები ფაქტის შემსწრე პირები არ იყვნენ, მათ საქმისთვის მნიშვნელოვანი ინფორმაცია პროცესზე არ გაუჟღერებიათ.