aviabiletebi
ახალი ამბები მთავარი მსოფლიო პოლიტიკა

HERIATAGE FOUNDATION: ნატოს ზოგიერთი წევრი შიშობს, რომ საქართველოს ალიანსში მიღება რუსეთთან პირდაპირ ომს გამოიწვევს

aviabiletebi
ავიაბილეთები

HERIATAGE FOUNDATION-ის საგარეო პოლიტიკის ცენტრის მიერ მომზადებულ პუბლიკაციაში წერია, რომ საქართველოს ოფიციალური პირები მზად არიან დათანხმდნენ ნატოს წევრობას კომპრომისის საფუძველზე.

ანგარიშის ავტორი, ცენტრის დირექტორი ლუკ კოფი წერს, რომ საუბარია იმაზე, რომ ალიანსის მეხუთე მუხლი, რაც კოლექტიურ თავდაცვას და უსაფრთხოების გარანტიას გულისხმობს, დროებით არ გავრცელდეს რუსეთის მიერ ოკუპირებულ ტერიტორიებზე, სანამ ეს საკითხი რუსეთთან მშვიდობიანი მოლაპარაკებების გზით არ გადაწყდება.

„ნატოს ზოგიერთი წევრი შიშობს, რომ საქართველოს ალიანსში მიღება მოსკოვის მიერ ოკუპირებული ცხინვალისა და აფხაზეთის რეგიონების გამო, რუსეთთან ავტომატურ ომს გამოიწვევს. საქართველოს ოფიციალური პირები პირად საუბრებში აცხადებენ, რომ მოხარულები იქნებიან, დათანხმდნენ ნატო-ს წევრობას კომპრომისის საფუძველზე,” – წერს ლუკ კოფი.

პუბლიკაციაში აღნიშნულია, რომ ასეთ შემთხვევაში რუსეთის მიერ ოკუპირებული ცხინვალისა და აფხაზეთის რეგიონზე გავრცელდება ნატოს წესდების მეექვსე მუხლის შესწორება. ამის პრეცედენტი უკვე არსებობს. ანალოგიური შესწორება მიიღეს 1951 წელს, როდესაც ალიანსს საბერძნეთი და თურქეთი შეუერთდნენ.

„ეს იქნებოდა მხოლოდ დროებითი ზომა, სანამ საქართველოს ტერიტორიული მთლიანობა საერთაშორისოდ აღიარებულ საზღვრებში აღდგება“, – ნათქვამია Heritage Foundation-ის საგარეო პოლიტიკის ცენტრის მომზადებულ ანგარიშში.

 

იტვირთბა....