ვლაბარში პრეზიდენტის რეზიდენციის მიმდებარე ტერიტორიაზე, სპარტაკის შესახვევში ხანძარს 60 წლამდე მამაკაცი ემსხვერპლა. ინფორმაციას საგანგებო სიტუაციების მართვის სააგენტოს წარმომადგენელი მამუკა ყირიმელი ავრცელებს.
ცეცხლი დაახლოებით დილის 05:00 საათზე ბარაკული ტიპის დასახლებას გაუჩნდა და 200 კვადრატულ მეტრ ფართობზე გავრცელდა.
საგანგებო სიტუაციების მართვის სააგენტოს ცნობით, ადგილზე მობილიზებული იყო 10 სახანძრო ბრიგადა და 60-მდე მეხანძრე-მაშველი.