ზუგდიდში, იუსტიციის სახლთან ავტომანქანა ქვეითად მოსიარულეს დაეჯახა. შუახნის ქალბატონი სასწრაფო სამედიცინო დახმარების ბრიგადამ ზუგდიდის რეფერალურ ჰოსპიტალში გადაიყვანა.
მისი ჯანმრთელობის მდგომარეობა ჯერჯერობით უცნობია. აღნიშნულთან დაკავშირებით შსს-მ გამოძიება 276-ე მუხლით დაიწყო, რაც ტრანსპორტით მოძრაობის და ექსპლუატაციის წესის დარღვევას გულისხმობს.