aviabiletebi
ახალი ამბები კრიმინალი მთავარი

“ევროპაბეთის” მოლარეს იარაღი დაადეს: ტოტალიზატორიდან 165 000 ლარი გაიტაცეს

aviabiletebi
ავიაბილეთები

ტოტალიზატორ „ევროპაბეთიდან“ 165 000 ლარი გაიტაცეს. თანხის გატაცების ფაქტზე ორი პირი სამართალდამცველებმა უკვე დააკავეს.

გამოძიების მტკიცებით, ბრალდებულები მიმდინარე წლის 2 იანვარს თბილისში, ცაბაძის ქუჩაზე მდებარე ტოტალიზატორის – „ევროპაბეთის“ შენობაში შეიჭრნენ, მოლარეს იარაღის მუქარით 165 000 ლარამდე თანხა გასტაცეს და შემთხვევის ადგილიდან მიიმალნენ.

პოლიციამ დაკავებულების პირადი და საცხოვრებელი სახლების ჩხრეკისას, დანაშაულის ჩადენის იარაღი – ე.წ. „სტარტოვკა“, მჭიდი, 7 ვაზნა და გატაცებული თანხის დიდი ნაწილი ნივთმტკიცებად ამოიღო. ასევე, ამოღებულია მოტოციკლი, რომელიც ბრალდებულებმა დანაშაულის ჩასადენად გამოიყენეს და ნივთები, რომლებიც, პირველადი ინფორმაციით, გატაცებული თანხით არის შეძენილი.

გამოძიება ყაჩაღობის ფაქტზე 179-ე მუხლის მე-2 და მე-3 ნაწილით მიმდინარეობს, რაც 6-დან 12 წლამდე ვადით თავისუფლების აღკვეთას ითვალისწინებს.

იტვირთბა....