მსახიობი გიორგი მახარაძე, რომელიც თურქეთიდან დაბრუნდა, მის ჯანმრთელობის მდგომარეობასთან დაკავშირებით ინფორმაციას თავად ავრცელებს.
“მოგესალმებით, მოკლედ, ჩამოვედი თურქეთიდან, ჩამიტარდა ყველა საჭირო გამოკვლევა უმაღლესი დონის სპეციალისტებთან, რაც რა თქმა უნდა, თქვენი დახმარების გარეშე ვერ მოხერხდებოდა, რის გამოც კიდევ ერთხელ გიხდით უდიდეს მადლობას ყველაააას… დამისვეს დიაგნოზი, რომელიც აქ დასმული დიაგნოზის იდენტურია და დამინიშნეს შესაბამისი მკურნალობა, ქიმიოთერაპია, რომელსაც უახლოეს დღეებში ვიწყებ, იმედია, ყველაფერი კარგად ჩაივლის. 3 თვეში ისევ მიწევს ჩასვლა და გადამოწმება, თუ როგორ ჩაიარა მკურნალობამ… რაც შეეხება ინტერნეტ სივრცეში გავრცელებულ ინფორმაციას, ინტერვიუებს და ა.შ… მინდა იცოდეთ, რომ რასაც მე დავწერ, მხოლოდ ეს არის სიმართლე და ნუ მიაქცევთ ყურადღებას სხვა ინფორმაციას, ათასნაირი ინტერპრეტაციით იწერება რაღაცეები და არ მინდა შეცდომაში შეგიყვანონ, ყველა საჭირო ინფორმაციას მოგაწვდით პირადად მე… კიდევ ერთხელ გილოცავთ ახალ წელს, შობას და მთელი გულით გისურვებთ ყველაფერს საუკეთესოს, ჯანმრთელობას და სურვილების ასრულებას. თქვენ ძალიან ბევრი გააკეთეთ ჩემთვის, ძალიან დიდი სიყვარული და თანადგომა ვიგრძენი, იმხელა, რომ ამას სიტყვებით ვერ გადმოვცემ, ძალიან დიდი მადლობა, ძალიან მიყვარხართ და ყველაზე მაგრები ხართ, უუუუღრმესი მადლობა”. – წერს მსახიობი.
შეგახსენებთ, მსახიობს მძიმე დიაგნოზი დაუსვეს და გამოკვლევებისათვის თურქეთში იმყოფებოდა.