fbpx
ახალი ამბები მთავარი საზოგადოება

ემიგრანტების საყურადღებოდ: საქართველოს მოქალაქეობის მიღება შესაძლოა გამარტივდეს

ეთნიკურად ქართველებისთვის საქართველოს მოქალაქეობის მიღება შესაძლოა გამარტივდეს, ხოლო უცხო ქვეყნის მოქალაქეებისთვის – გართულდეს. საკანონმდებლო ცვლილებაზე დღეს პარლამენტის იურიდიულ საკითხთა კომიტეტი იმსჯელებს.

კანონპროექტის თანახმად, იცვლება უცხო ქვეყნის მოქალაქეთათვის საქართველოს მოქალაქეობის მიღების 5-წლიანი ვადა (კანონიერ საფუძველზე უწყვეტად ცხოვრების) 10-წლიანი ვადით, ხოლო ემიგრანტი ეთნიკური ქართველებისთვის, რომლებიც ატარებენ ქართულ გვარს და თავს თვლიან ქართველებად, საქართველოს მოქალაქეობის მიღება მარტივდება. განმარტებით ბარათში ვკითხულობთ, რომ კანონპროექტის მიღების მიზანი დემოგრაფიული მდგომარეობის გამოსწორება და უცხოეთში მცხოვრები ქართველების სამშობლოში დაბრუნების ხელშეწყობაა.

“აუცილებელია მნიშვნელოვანი ცვლილებები კანონმდებლობაში, რათა საქართველოში ქართველები, არ ვიქცეთ უმცირესობად. ბოლო 25 წლის მანძილზე სხვადასხვა მიზეზთა გამო 2 მილიონამდე ჩვენმა თანამემამულემ დატოვა სამშობლო, მათმა უმრავლესობამ მიიღეს სხვა ქვეყნების მოქალაქეობა. ამას გარდა, საინგილოში, ფერეიდანსა და თურქეთის ტერიტორიაზე მრავლად ცხოვრობენ ეთნიკურად ქართველები. ყველა ქართველს აქვს უფლება გახდეს საქართველოს მოქალაქე”, – ნათქვამია განმარტებით ბარათში.

26 სექტემბერს, საქართველოს პარლამენტმა ახალი კონსტიტუცია მესამე მოსმენით მიიღო. ახალი კოსტიტუციით, საქართველოს მოქალაქისთვის სხვა ქვეყნის მოქალაქეობის მიღება აკრძალული აღარ არის.

imedinews.ge

სხვა ამბები

“ზურაბიშვილს არ შეუძლია, არ იცის და არც უნდა რომ გაიგოს”: ხიდაშელი ზურაბიშვილის ინტერვიუზე

newsadmin

“გირჩის” უკანასკნელი პოლიტ განცხადება ადასტურებს, რომ ‘რეკრეაციული’ ნარკოტიკების ხშირი მოხმარება ტვინის უჯრედებს აგრესიულად ებრძვის”

newsadmin

ეს არის მოკლევადიანი რყევა – მაჭავარიანი ლარის გაუფასურებაზე

newsadmin

შვიდი თვის ჩვილის მკვლელობაში ბრალდებულ არასრულწლოვან დედას აღკვეთ ღონისძიებად პატიმრობა შეეფარდა

newsadmin

ხვალ, თბილისის ზოგიერთ უბანს ელექტრომომარაგება დროებით შეეზღუდება

newsadmin

დავით-გარეჯის ტერიტორიაზე აზერბაიჯანულმა მხარემ გზის დაგება დაიწყო – ზალკანიანის განმარტება (ვიდეო)

newsadmin
იტვირთბა....