“ჯორჯიან უოთერ ენდ ფაუერი” ეხმაურება “თეთრი ხმაურის” მოძრაობის აქტივისტის დავით სუბელიანის განცხადებას და აცხადებს, რომ ჯივიპი (GWP) არის ქვეყნის სტრატეგიული ობიექტი, რომელიც სასმელი წყლით უზრუნველყოფს ქალაქ თბილისს, -შესაბამის განცხადებას კომპანია ავრცელებს:
“თანამშრომელთა უმეტესობა ყოველდღიურად ასრულებს მაღალი რისკის შემცველ ტექნიკურ სამუშოებს, მართავს მძიმე სპეცტექნიკას და მუშაობს მიწისქვეშა კომუნიკაციებზე. ჩვენ პასუხისმგებელი ვართ თითოეული თანამშრომლის სიცოცხლის უსაფრთხოებაზე, ასევე იმ არეალზე, სადაც მიმდინარეობს სამუშაო პროცესი. სტრატეგიულ ობიექტებზე, რისკის შემცველი სამუშაოს შესრულების დროს სახიფათოა თანამშრომლების მიერ ალკოჰოლური, ნარკოტიკული ან ფსიქოტროპული საშუალებების გამოყენება.
გამოვლინდა რამდენიმე კონკრეტული შემთხვევა, როდესაც არაფხიზელ მდგომარეობაში მყოფი თანამშრომლები ასრულებდნენ სწორედ ასეთი ტიპის ტექნიკურ სამუშოებს. მათი და მათ გვერდით მომუშავე თანამშრომლების უსაფრთხოების დაცვის და პრევენციის მიზნით, კომპანიამ შეამოწმა მათი მდგომარეობა.
“ჯორჯიან უოთერ ენდ ფაუერის” პრიორიტეტია თითოეული თანამშრომლისთვის უსაფრთხო სამუშაო გარემოს შექმნა.”-ნათქვამია GWP-ს განცხადებაში.
დღეს, “თეთრი ხმაურის” აქტივისტმა, დავით სუბელიანმა სოციალურ ქსელში გაავრცელა ვიდეო, სადაც აცხადებდა, რომ “ჯორჯიან უოთერ ენდ ფაუერს” თანამშრომლები ნარკოტესტირებაზე გადაჰყავდა.
Gepostet von David Subeliani am Mittwoch, 6. Dezember 2017