საფრანგეთის შინაგან საქმეთა მინისტრის განცხადებით, პოლიცია “ხელს შეუშლის” იმ მუსლიმს, ვინც საფრანგეთის ქალაქების ქუჩებში ილოცებს.
“ქუჩაში ლოცვები აღარ იქნება” – განაცხადა ჟერარ კოლონმა. მისი თქმით, მორწმუნეებს ლოცვისთვის სპეციალური ადგილი ჰქონდათ.
მედიის ცნობით, მინისტრი 10 ნოემბერს მომხდარ ფაქტს გამოეხმაურა, როდესაც პარიზის გარეუბანში 100-მდე ფრანგი პოლიტიკოსი მუსლიმების საჯარო ლოცვის წინააღმდეგ გამოვიდა.
დღესდღეობით, საფრანგეთში 5 მილიონამდე მუსლიმი ცხოვრობს.