კავკასიური სახლის ხელმძღვანელი, მწერალი ნაირა გელაშვილი ტოლერანტობის კულტურის განვითარებაში შეტანილი გამორჩეული წვლილისთვის მიღებულ ჯილდოს აბრუნებს. ამის შესახებ ინფორმაციას “პირველი არხი” ავრცელებს, რომელსაც მწერალმა ფაქტი დაუდასტურა.
გელაშვილის თქმით, 13:30 საათზე სახალხო დამცველის ოფისში აპირებს მისვლას, სადაც გადაწყვეტილების მიზეზებთან დაკავშირებით გააკეთებს განცხადებას.
16 ნოემბერს სახალხო დამცველთან არსებულმა რელიგიათა საბჭომ საქართველოში ტოლერანტობის კულტურის განვითარებაში შეტანილი გამორჩეული წვლილისთვის პოლიტიკოსები, მწერლები და მედიის წარმომადგენლები დააჯილდოვა.
წყარო: 1tv.ge