თბილისის ახლად არჩეული მერი კახი კალაძე ე.წ. ხრუშოვკების ჩანაცვლების პროექტის განხორციელებაზე საუბრობს და ამბობს, რომ ეს შესაძლებელია. მისი თქმით, ამას საზოგადოება მისი მხრიდან კონკრეტული ნაბიჯების გადადგმით დაინახავს. კალაძე აცხადებს, რომ ამ კუთხით მნიშვნელოვანი პროექტების განხორციელება იგეგმება.
“ე.წ. ხრუშოვკების ჩანაცვლების პროექტის განხორციელება შესაძლებელია. ამასთან დაკავშირებით კონკრეტულ ნაბიჯებს კონკრეტული პროექტებით გაჩვენებთ”, – განუცხადა ჟურნალისტებს კალაძემ.