ნუცუბიძის ფერდობზე, 25 ოქტომბერს გარდაცვლილი ახალგაზრდა მამაკაცის, პაატა პავლიაშვილის ცხედრის სსიპ ლ. სამხარაულის სასამართლო ექსპერტიზის ეროვნული ბიუროს, სასამართლო-სამედიცინო ექსპერტიზის რუსთავის განყოფილებაში გადასვენებამ საზოგადოების მაღალი ინტერესი გამოიწვია.
ამ ფაქტის შესახებ, ბიურო განმარტებას აკეთებს.
“ა.წ. 19 ოქტომბერს, უმოკლეს ვადაში სატვირთო ლიფტზე გადაუდებელი სამუშოების ჩატარების მიზნით, 2 დღით ლიფტის გაჩერების მოთხოვნით, ბიუროს მომართა კონტრაქტორმა კომპანიამ – შპს „საქართველოს ლიფტების კომპანია“. ბიუროს მიერ კომპანიას გაეგზავნა საპასუხო წერილი 20 ოქტომბერს, რომელშიც მითითებული იყო, რომ აღნიშნული სამუშაოების ჩატარება შესაძლებელი იქნებოდა ა.წ. 25 ოქტომბრის დილის 09.00 საათიდან- 26 ოქტომბრის საღამოს 18.00 საათამდე…
სწორედ ამიტომ, ა.წ. აღნიშნულ პერიოდში გარდაცვლილი 6 პირიდან, მათ შორის ნუცუბიძის ფერდობზე გარდაცვლილი ახალგაზრდა მამაკაცის, პაატა პავლიაშვილის ცხედრის რუსთავის სასამართლო-სამედიცინო ექსპერტიზის განყოფილებაში შეყვანამდე უკვე შეყვანილი იყო 3 გარდაცვლილი პირი და მის შემდგომ ამავე განყოფილებაში შეყვანილ იქნა 2 გარდაცვლილის ცხედარი”, – აღნიშნულია ექსპერტიზის ბიუროს განცხადებაში.
შეგახსენებთ, რომ 25 ოქტომბერს, ნუცუბიძეზე 33 წლის მამაკაცი იმ დროს გარდაიცვალა, როდესაც მას სამართალდამცველები ადმინისტრაციული წესით აკავებდნენ. საქმეზე გამოძიება დაიწყო.
