რადიოსადგურ Эхо Москвы-ს ჟურნალისტს ტატიანა ფელგენგაუერს თავს წარმომავლობით საქართველოდან ისრაელში მუდმივად მცხოვრები პირი დაესხა, – ინფორმაციას მოსკოვის შსს ავრცელებს.
გამოცემა “ლაიფის” ცნობით, დაკავებულის სახელია ბორის გერცი:
“ჩვენთვის ცნობილია, რომ თავდამსხმელი ფელგეგაუერის ნაცნობი იყო. ინციდენტის მოტივი კი პირადი დაპირისპირებაა”, – აცხადებენ სამართალდამცველები.
დაჭრილი წამყვანი გადაყვანილია საავადმყოფოში. მის სიცოცხლეს საფრთხე არ ემუქრება.
ეჭვმიტანილს ფსიქიატრიულ ექსპერტიზას ჩაუტარებენ.
ცნობისთვის, მოსკოვში, „ეხო მოსკვის“ ოფისში დანით შეიარაღებული მამაკაცი შეიჭრა და წამყვანი ტატიანა ფელგენგაუერი დაჭრა, -ინფორმაციას „ეხო მოსკვი“ ავრცელებს:
„ოფისში შეჭრილმა მამაკაცმა ტატიანა ფელგენგაუერი დანით ყელის არეში დაჭრა. ჩვენ ის დავაკავეთ და პოლიციას გადავეცით. ექიმების ინფორმაციით, ტატიანას სიცოცხლეს საფრთხე არ ემუქრება. ის საავადმყოფოში გადაიყვანეს“, – ნათქვამია განცხადებაში.
გავრცელებული ცნობით, თავდამსხმელი დაკავებულია და დაკითხვაზეა გადაყვანილი. მომხდარის მოტივი ჯერჯერობით უცნობია.