მონტენეგროში საფეხბურთო გუნდის “ბოკელის” 33 წლის მეკარეს, გორან ლეცანს კლუბის ბაზაზე ვარჯიშის დროს ესროლეს. მას ჭრილობა თავის არეში ჰქონდა მიყენებული. ის საავადმყოფოში გარდაიცვალა.
პორტალი Goal-ის ინფორმაციით, შემთხვევა 16 სექტემბერს მოხდა.
skalaradio.com-ის ცნობით, მკვლელის დაკავების მიზნით, 13 ათასი ადამიანით დასახლებული ქალაქი კოტორი სამართალდამცველებმა ალყაში მოაქციეს.
გავრცელებული ინფორმაციით, ლეცანი თანაგუნდელებსა და საზოგადოებაში ავტორიტეტით სარგებლობდა. ის რეგიონში საბავშვო ფეხბურთის განვითარებაში მონაწილეობდა.
გორან ლეცანი “ბოკელის” შემადგენლობაში 2015 წლიდან გამოდიოდა.
სააგენტო პირველი