“მეტრონომი” დაინტერესდა, თუ რა სახის პასუხისმგებლობას ითვალისწინებს ჩადენილი დანაშაული, რომელსაც აანონსებენ უკრაინის ხელისუფლების მაღალჩინოსნები, თუკი საქართველოს მესამე პრეზიდენტი სისხლის სამართლის პასუხისგებაში იქნება მიცემული.
უკრაინის კანონმდებლობის მიხედვით, კერძოდ, ქვეყნის სისხლის სამართლის კოდექსის 332-ე მუხლის მე-3 ნაწილის მიხედვით, უკრაინის საზღვრის დარღვევის შემთხვევაში, როცა ის განხორციელდა ორგანიზებული ჯგუფის მიერ, ისჯება თავისუფლების აღკვეთით 7-დან 9-წლამდე, 3 წლით გარკვეულ თანამდებობებზე მუშაობის უფლების აღკვეთით.
შეგახსენებთ, მიხეილ სააკაშვილმა და მისმა მხარდამჭერებმა გუშინ, პოლონეთი-უკრაინის საზღვრის გამშვებ პუნქტთან კორდონები გაარღვიეს და უკრაინის ტერიტორიაზე საპასპორტო შემოწმების გარეშე შევიდნენ. ერთი თვის წინ, სააკაშვილს უკრაინის მოქალაქეობა ჩამოართვეს და ქვეყანაში შესვლა აუკრძალეს.
