“ბავშვთა სამყაროში“ გაჩენილი ხანძრის შედეგად დაზარალებულების ადვოკატის, ფრიდონ სიხუაშვილის ინფორმაციით, ექსპერტიზის დასკვნით ირკვევა, რომ მასშტაბური ხანძარი სავაჭრო ობიექტზე დიდი რაოდენობით ნავთობპროდუქტების განზრახ აალებას უნდა გამოეწვია. მისი თქმით, ექსპერტიზის დასკვნას ის ცოტახნის წინ გაეცნო. ადვოკატის ინფორმაციით, საქმის მასსალებიდან ჩაანს, რომ სახანძრო უსაფრთხოების წესები დაცული არ იყო.
„საქმის მასალებიდან, რაც ჩანს დადასტურებულად არის ის, რომ სახანძრო უსაფრთხეობის წესები დაცული არ იყო. ამაზე ჩვენ, პირველივე დღიდან ვსაუბრობდით. ეს ექსპერტიზის დასკვნით და მოწმეთა ჩვენებებით არის გამყარებული, რომ იქ სახანძრო უსაფრთხეობის წესები არ იყო დაცული. ახლა უკვე გავეცანი ექსპერტიზის დასკვნას.
ექსპერტი პირდაპირ საუბრობს, რომ დაახლოებით 83-დან 90 კგ-მდე ნავთობპროდუქტებზე უნდა მომხდარიყო განზრახ ცეცხლის წაკიდება, რომ ამ მასშტაბის ხანძარი გამოეწვია – ამაზე ექსპერტიზა სუბრობს. იქ უსაფრთხოების წესები დაცული არ იყო. დაცული რომ ყოფილიყო, მსაგავსი რამ არ მოხდებოდა, დაცვაც შეტყობინებას თავის დროზე მიიღებდა და შესაბამისი რეაგირებაც მოხდებოდა. ამიტომ ის, რომ ადმინისტრაცია ვალდებული იყო უსაფრთხოების წესები ჰქონოდა დაცული, ეს ექსპერტიზის მიერ დადასტურებულია’’, – განაცხადა ფრიდონ სიხუაშვილმა.
„ბავშვთა სამყაროში“ ხანძარი 2017 წლის იანვრის ბოლოს გაჩნდა.
წყარო: “ინტერპრესნიუსი”