ართანაში, კოხტას მთის ციცაბო ფერდობზე ცეცხლის კერის მიუდგომელ ადგილებზე ხანძრის ჩასაქრობად საჭირო აღჭურვილობისა და სასმელი წყლის ასატანად გამთენიისას საპალნე ცხენები გაიგზავნა.
კახეთში ხანძრის ორ კერაზე თუშეთში, ხახაბოს მთაზე და ართანაში – კოხტას მთაზე მაშველთა დამატებითი ძალები იქნა გაგზავნილი, ხანძრის ლოკალიზაციაზე დილიდან მუშაობს ავიაციაც.
კახეთის სატყეო სააგენტოს ხელმძღვანელის ინფრომაციით, კოხტას მთებში ამ დროისათვის ცეცხლის დაახლოებით 8-9 კერაა და ვითარება რთულია, რადგან ცეცხლი ტყეს მიუვალ ადგილას უკიდია. მისივე თქმით, შემთხვევის ადგილამდე სპეციალური ტექნიკის მიყვანა შეუძლებელია, ასევე შეუძლებელია ტყეში გზის გაჭრაც.
