ამსტერდამის ერთ-ერთ ქუჩაზე ასაფეთქებელი მოწყობილობის აღმოჩენის გამო ევაკუაცია გამოცხადდა. ამის შესახებ express-ი წერს.
პოლიციის ცნობით, ხელყუმბარა ღამის კლუბის შესასევლელში აღმოაჩინეს. პოლიციამ უსაფრთხოების მიზნით ქუჩა გადაკეტა. ადგილზე საგამოძიებო მოქმედებები მიმდინარეობს.
გუშინ ტერორისტული საფრთხის გამო ნიდერლანდების ქალაქ როტერდამში როკ-კონცერტი გაუქმდა. ქალაქის მერის განცხადებით, ამის მიზეზი კონცერტის ჩატარების ადგილთან ახლოს გაზის ბალონების აღმოჩენა გახდა. აღნიშნულთან დაკავშირებით 2 პირი დააკავეს.