პარიზში საფრანგეთში საქართველოს ელჩი გაძარცვეს. ინფორმაციას ამის შესახებ ადგილობრივი მედია ავრცელებს. ინციდენტი ქალაქ სენ-დენის გარეუბანში მოხდა.
გამოცემის ცნობით, ეკა სირაძე-დელონი მანქანით გადაადგილდებოდა, როდესაც მას უცნობი პირები სკუტერით მიუახლოვდნენ, ფანჯრის მინა ჩაუმსხვრიეს და დიპლომატის კუთვნილი ჩანთა გაიტაცეს. თავად ელჩი შემთხვევის შედეგად არ დაშავებულა. რამდენიმე საათში პოლიციამ ჩანთა იპოვა. მძარცველები ამ დრომდე არ დაუკავებიათ.