”ეროვნულ-დემოკრატიული ინსტიტუტის”(NDI) კვლევის თანახმად, გამოკითხულთა 52% მთავრობის საქმიანობას საშუალოდ აფასებს.
კითხვაზე, როგორ აფასებთ მთავრობის საქმიანობას, გამოკითხულთა 1% პასუხობს, რომ ძალიან კარგად აფასებს, 9% აცხადებს, რომ მთავრობის მუშაობას კარგად აფასებს, გამოკითხულთა 23% მთავრობის საქმიანობას ცუდად აფასებს, ხოლო 12%- ძალიან ცუდად, 52%- საშუალოდ.
NDI-ის კვლევის საველე სამუშაოები 18 ივნისი – 9 ივლისის პერიოდში ჩატარდა, საქართველოს მასშტაბით (ოკუპირებული ტერიტორიების გამოკლებით), 2,261 პირისპირ ინტერვიუს წარმომადგელობითი შერჩევის საფუძველზე. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.