პრესკონფერენციის დასრულების შემდეგ, “პატრიოტთა ალიანსის” ერთ-ერთმა ლიდერმა ადა მარშანიამ ემზარ კვიციანს მედიისთვის კომენტარის გაკეთების საშუალება არ მისცა.
“დამანებე კაცო თავი, დამანებე” – უთხრა ემზარ კვიციანმა ადა მარშანიას, რომელიც თავის მხრივ, ცდილობდა ჟურნალისტებისაგან კვიციანის დაშორიშორებას.
კვიციანს სურდა ჟურნალისტებთან ვანო ჯავახიშვილის შესახებ გაკეთებული განცხადების გამო საგამოძიებო უწყებაში დაბარების ფაქტზე ესაუბრა, რისი საშუალებაც დეპუტატს არ მიეცა.
შეგახსენებთ, ემზარ კვიციანი გამოკითხვაზე იყო დაბარებული. მიზეზი კი მისი ფეისბუქ-პოსტი გახდა, რომლის მიხედვითაც, მისი აზრით, ჟურნალისტ გიორგი სანაიას შემდეგ, არსებობდა ცნობილი იუმორისტის, ვანო ჯავახიშვილის დაღუპვის საშიშროება.