aviabiletebi
ახალი ამბები მთავარი პოლიტიკა სამართალი

ევროპარლამენტარი რებეკა ჰარმსი მუსტაფა ემრე ჩაბუქის საქმეზე პრესკონფერენციას გამართავს

aviabiletebi
ავიაბილეთები

ევროპარლამენტარი, რებეკა ჰარმსი გლდანის ციხეში დემირელის კოლეჯის ხელმძღვანელის, მუსტაფა ემრე ჩაბუქის სანახავად მივიდა.  შესვლამდე ევროპარლამენტარმა ჟურნალისტებთან განაცხად, რომ ჩაბუქის საქმე ძალიან მნიშვნელოვანია და საქართველოს ხელისუფლებამ ის არ უნდა გადასცეს თურქულ მხარეს.

მან ასევე განმარტა, რომ თურქეთში დემირელის კოლეჯის ხელმძღვანელი გამჭვირვალე გამოძიებას არ უნდა ელოდოს.

რებეკა ჰარმსი დღეს სკოლა-ლიცეუმ „სხივში“ მუსტაფა ემრე ჩაბუქის საქმეზე პრესკონფერენციას გამართავს.  ღონისძიებას მუსტაფა ემრე ჩაბუქის ოჯახის წევრები, არასამთავრობო სექტორი, ჩაბუქის კოლეგები, თემაზე მომუშავე ადვოკატები და ჟურნალისტები დაესწრებიან.

„მუსტაფა ემრე ჩაბუქი თურქეთის მოქალაქეა, რომელსაც გიულენის მოძრაობასთან სავარაუდო კავშირის ბრალდებით, თურქეთში ექსტრადაცია ემუქრება. აღნიშნული პიროვნება მუშაობდა სკოლაში მასწავლებლად წლების განმავლობაში. ამ ეტაპზე მისი და მისი ოჯახის მოთხოვნა თავშესაფრის შესახებ უარყოფილია საქართველოს მთავრობის მიერ. მე ინტერესით ვაკვირდები საქართველოში მიმდინარე მოვლენებს და ჩემი ვიზიტის ერთ-ერთი საკითხიც სწორედ ეს თემა იქნება“, – ნათქვამია რებეკა ჰარმსის ოფიციალურ წერილში.

ევროპარლამენტის წევრი და ევრონესტის თანაპრეზიდენტი რებეკა ჰარმსის ვიზიტი საქართველოში 12 ივლისს დაიწყო და დღეს დასრულდება. იგი ბათუმის მე-14 საერთაშორისო კონფერეციაში „საქართველოს ევროპული გზა“ მონაწილეობდა. ვიზიტის ფარგლებში რებეკამ ჰარმსმა შეხვედრები გამართა მინისტრებთან და პარლამენტის წევრებთან.

იტვირთბა....