დღეს რუსმა ოკუპანტებმა სოფელ ბერშუეთში საოკუპაციო ხაზი გადმოწიეს. საზღვრის გადმოწევის შედეგად, ათი ჰექტარი მიწის ფართობი ოკუპირებულ ტერიტორიაზე მოექცა. ოკუპანტებმა ე.წ საზღვრის ახალი მანიშნებელი ბერშუეთის ერთ-ერთი მკვიდრის ბაღში დაამონტაჟეს.
ადგილობრივების თქმით, რუსი ოკუპანტები ადგილობრივებს საკუთარ ბაღებში შესვლის უფლებას არ აძლევენ და აფრთხილებენ, რომ ე.წ. საზღვრის დარღვევის შემთხვევაში მათ დააკავებენ.