ბიძინა ივანიშვილის ჯანმრთელობის მდგომარეობასთან დაკავშირებით ჟურნალისტებს უპასუხა ჯანდაცვის მინისტრმა. დავით სერგეენკოს განცხადებით, ამ თემაზე განმარტება უკვე გააკეთა ივანიშვილმაც და მისმა ახლობლებმაც:
“მე ვფიქრობ, რომ თვითონ ბატონმა ბიძინამაც და მისმა რამდენიმე ახლობელმაც გააკეთეს უკვე განმარტება, რომ ეს რეალურად ჭორია. მე მას ჯანმრთელობას ვუსურვებ და მჯერა, რომ დიდი ხანი იქნება კარგად “- განაცხადა სერგეენკომ და აღნიშნა, რომ ივანიშვილთან საუბარი არ ჰქონია.
ცნობისთვის, ივანიშვილის ჯანმრთელობის შესახებ ინფორმაცია სოციალური ქსელით “რუსთავი 2”-ის გენერალურმა დირექტორმა, ნიკა გვარამიამ გაავრცელა, რომელმაც დაწერა, რომ ივანიშვილს ინსულტმა დაარტყა.
ინფორმაცია სხვებთან ერთად უარყო “ქართუ ჯგუფის” წარმომადგენელმა, გიორგი უძილაურმა და ბიძინა ივანიშვილის შვილმა, ბერამ.