წუხელ ლონდონში ფინსბერი პარკის რაიონში მამაკაცი ფეხით მოსიარულე ადამიანებს ავტომანქანით დაეჯახა. მომხდარ ინციდენტს 1 ადამიანი ემსხვერპლა, 8 კი დაშავდა.
გარდაცვლილი 48 წლის მამაკაცია. ინციდენტი ადგილობრივი დროით 00:20 საათზე მოხდა. მიკროავტობუსი მეჩეთიდან გამოსულ მლოცველთა ჯგუფს დაეჯახა. დამნაშავე ლონდონელებმა თავადვე დააკავეს. ლონდონში უსაფრთხოების ნორმები გამკაცრებულია. სავარაუდოდ შემთხვევას ტერაქტის კვალიფიკაცია მიენიჭება.