თბილისი-სენაკი-ლესელიძის ცენტრალურ ავტომაგისტრალზე, იგოეთთან მომხდარი ავტოსაგზაო მსხვერპლით დასრულდა.
ავტოავარიის შედეგად ორსული ქალი გარდაიცვალა. როგორც ცნობილია, ავარიის დროს საჭესთან გარდაცვლილის მეუღლე იჯდა. ავტომანქანა გზის სავალი ნაწილიდან გადავარდა.
შემთხვევის ადგილზე სასწრაფო დახმარების ბრიგადა მივიდა, თუმცა ორსული ქალის გადარჩენა ვერ მოხერხდა.
“მეტრონომს” შინაგან საქმეთა სამინისტროში განუცხადეს, რომ მომხდარზე გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.