“სანამ საპატრიარქო არ უარყოფს ქარჩავას განცხადებებს, მაშინ ის საპატრიარქოს პოზიციად უნდა ჩაითვალოს”

საპატრიარქოს იურისტის ედიშერ ქარჩავას მიერ გაკეთებულ განცხადებებს დედა სიდონია ეხმაურება.

მისი თქმით, იურისტის მიერ გაკეთებული განცხადებები საპატრიარქომ უნდა განმარტოს. დედაოს განცხადებით, მასაც და საზოგადოებასაც აინტერესებს ემთხევევა თუ არა ქარჩავას და მათი პოზიციები ერთმანეთს.

დედა სიდონია ამბობს, რომ  ედიშერ ქარჩავას მიერ გაკეთებული განცხადებების ირგვლივ არაერთი კითხვის ნიშანი ჩნდება.

„სანამ საპატრიარქო არ უარყოფს ქარჩავას განცხადებებს, მაშინ ის საპატრიარქოს პოზიციად უნდა ჩაითვალოს და საპატრიარქო ვალდებულია დაასაბუთოს გაკეთებული განცხადებების დასაბუთებულობა და წარმოადგინოს მტკიცებულებები. სხვა შემთხვევაში საპატრიარქოს სახელით ცილისმწამებლური განცხადებების გაკეთება სერიოზული პრობლემაა.

მეც მაქვს კითხვები რამდენად არის პატრიარქი საქმის კურსში, ვისთან ათანხმებს ბატონი ედიშერი მის მიერ გაჟღერებულ საკითხებს. თუ არავისთან არ თანხმდება რატომ აქვს მას ასეთი ცხოველი ინტერესი ამ საკითხებით დაინტერესების, ბევრი კითხვა ჩნდება მისი ცნობისმოყვარეობის ირგვლივ,“-განაცხადა დედა სიდონიამ.

წყარო: “რუსთავი 2”