გარემოს ეროვნული სააგენტოს ინფორმაციით, 15 – 16 თებერვალს დასავლეთ საქართველოში შენარჩუნებული იქნება თბილი და უნალექო ამინდი. ზოგან იქროლებს აღმოსავლეთის მიმართულების ძლიერი ქარი. თუმცა აღმოსავლეთ საქართველოს ცალკეულ რაიონში მცირე ნალექი და ნისლია მოსალოდნელი. ჰაერის ტემპერატურა დასავლეთ საქართველოს დაბლობში დღის საათებში +14, +19, ხოლო აღმოსავლეთ საქართველოს ბარში +7, +12 გრადუსის ფარგლებში იქნება.