ამ კვირაში კარგი ამბები გვაქვს ხარკოვის რეგიონიდან და ყველა მოქალაქე ამაყობს ჩვენი ჯარისკაცებით, – აღნიშნულის შესახებ უკრაინის პრეზიდენტმა ვოლოდიმირ ზელენსკიმ განაცხადა.
ზელენსკიმ მადლობა გადაუხადა 25-ე საჰაერო სადესანტო, 92-ე ცალკეულ მექანიზებულ და 80-ე საჰაერო სადესანტო თავდასხმის ბრიგადას საბრძოლო მისიების შესრულებისას გამოჩენილი გამბედაობისა და გმირობისთვის.
“ამ კვირაში ხარკოვიდან კარგი ამბებია. როგორც ჩანს, ყველამ უკვე ნახეთ ინფორმაცია უკრაინელი მცველების აქტიურობის შესახებ. ვფიქრობ, ყველა მოქალაქე ამაყობს ჩვენი ჯარისკაცებით. ეს არის დამსახურებული სიამაყის განცდა”, – აცხადებს ზელენსკი.
ცნობისთვის, რუსეთმა უკრაინაში ფართომასშტაბიანი ომი 24 თებერვალს დაიწყო და ოკუპანტის აგრესია ამ დრომდე გრძელდება.