2017 წლის ევროპის ჩემპიონატის ინდივიდუალური შეჯიბრება ძიუდოში, ქალაქ ვარშავაში საქართველოს ჰიმნით დაიხურა. 100+ წონით კატეგორიაში ქართული ფინალი გაიმართა – ერთმანეთს გურამ თუშიშვილი და ადამ ოქრუაშვილი დაუპირისპირდნენ. გურამ თუშიშვილმა თანამემამულეს იპონით მოუგო და ოქროს მედალს დაეუფლა.
სულ ვარშავაში საქართველოს ნაკრებმა ერთი ოქროს, ერთი ვერცხლისა და ერთი ბრინჯაოს მედალი მოიპოვა. გურამ თუშიშვილთან და ადამ ოქრუაშვილთან ერთად წარმატებას ბექა ღვინიაშვილმა მიაღწია.