ოკუპირებული „სამხრეთ ოსეთის“ დეფაქტო უშისროების კომიტეტის თავმჯდომარე ოლეგ შირანი განცხადებას ავრცელებს და ამბობს, რომ 2019 წლის გარე კონტურზე ქართულმა მხარემ თავისი ჰიბრიდული სტრატეგიის ფარგლებში განაგრძო ღონისძიებების რეალიზება, რომლებიც მიმართულია კონსტიტუციური წყობის საფუძვლების წინააღმდეგ, სახელმწიფოებირივი და საზოგადოებრივი ინსტიტუტების კომპრომენტაციაზე, „სამხრეთ ოსეთის“ ე.წ. სახელმწიფო საზღვრის რღვევისკენ და „რესპუბლიკის“ ტერიტორიაზე კონტროლის დაწესების წინაპირობის შესაქმნელად. ინფორმაციას ამის შესახებ სააგენტო „რესი” ავრცელებს.
„ოფიციალური თბილისის საპასუხოდ, წნელისის მიმართულებით, სამხრეთ ოსეთის მოსახლეობის მოქალაქეთა უსაფრთხოების უზრუნველსაყოფად, კომიტეტმა განახორციელა სპეციალური ქმედებები, რომელიც კონტროლის აღდგენის და ქართული მხარის პროვოკაციის აღკვეთის საშუალებას იძლება საზღვრის ამ მონაკვეთზე“, – განაცხადა შირანმა.