aviabiletebi
ახალი ამბები მთავარი საზოგადოება

“ცილისწამება და სიცრუე, რომელიც ტროლ-ბოტებმა გაავრცელეს” – „პალიტრა მედიის“ სპეციალური განცხადება

aviabiletebi
ავიაბილეთები

ერთ-ერთ ვებგვერდზე გამოქვეყენებულ ინფორმაციას „პალიტრა მედია“ ცილისწამებასა და სიცრუეს უწოდებს.

მედიასაშუალება წერს, რომ სტატია სათაურით „კეზერაშვილი „პალიტრა მედიას“ აფინანსებს“, სოციალურ მედიაში აქტიურად გაავრცელეს ტროლ-ბოტებმა:

“27 მარტს, ერთ-ერთ ვებგვერდზე განთავსდა სტატია სათაურით „კეზერაშვილი „პალიტრა მედიას“ აფინანსებს“. ეს ცრუ ინფორმაცია სოციალურ მედიაში აქტიურად გაავრცელეს ტროლ-ბოტებმა და შემდეგ დღეს ზოგიერთი პოლიტიკური ლიდერის მხრიდანაც გაკეთდა კომენტარები.

„პალიტრა მედია“ ხაზგასმით აცხადებს, რომ ეს არის ცილისწამება და სიცრუე. თავისი არსებობის 28 წლის განმავლობაში, მიუხედავად არაერთი მცდელობისა, „პალიტრა მედია“ არ მოქცეულა რომელიმე პოლიტიკური ჯგუფის გავლენის ქვეშ. არ მიუღია, არ იღებს და არც მომავალში აპირებს, რომ მიიღოს მათგან დაფინანსება. განსაკუთრებით აბსურდულია ბრალდება კეზერაშვილის და „პალიტრა მედიის“ რაიმე კავშირის შესახებ.

„პალიტრა მედიის“ ყველა ორგანიზაციის და, მათ შორის, ტელეკომპანია “პალიტრანიუსის” ყველა შემოსავალი და ხარჯი გამჭვირვალეა და ხელმისაწვდომია კომუნიკაციების ეროვნული კომისიისთვის და ნებისმიერი დაინტერესებული პირისთვის.

„პალიტრა მედია“ მოუწოდებს ყველა მედიასაშუალებას, პოლიტიკოსს და საზოგადოების წარმომადგენელს, თავი შეიკავონ გადაუმოწმებელი და აბსურდული ინფორმაციის გავრცელებისგან, ტირაჟირებისგან და მასზე კომენტარის გაკეთებისგან.” ნათქვამია „პალიტრა მედიის“ განცხადებაში.

იტვირთბა....