ჩერგოლეიშვილისა და ბარამიძის განცხადებით, “ოცნების” დამკვირვებელი მათ შვილებს დაესხა თავს

„ავი და აგრესიული ქოცების ძალადობრივი საქციელი, რაც კანონით დასჯადია, ვნახოთ როგორი იქნება შსს-ს რეაგირება. ნებისმიერ შემთხვევაში ამ კრიმინალებთან შეზრდილი მავნებლების ავი ძალის დრო მალე დასრულდება.

P.S ქოცი რომ თავს ესხმის, ის ჩემი შვილია. არ შეუშინდა ქოცებს და იმათ არ მოეწონათ”, – ამის შესახებ „გაერთიანებული ოპოზიციის“ წარმომადგენელი, გიორგი ბარამიძე „ფეისბუქზე“ წერს და აცხადებს, რომ „ევროპული საქართველოს“ ერთ-ერთი დამკვირვებელი, რომელსაც მთაწმინდის მე-18 საოლქო საარჩევნო უბანზე თავს დაესხნენ, მისი შვილია.

გარდა ამისა, “ტაბულას” დამფუძნებელი თამარა ჩერგოლეიშვილი წერს, რომ ბარამიძესთან ერთად მისი შვილიც იმყოფებოდა

”

ასეთი ამბავი:

დამკვირვებლები, რომლებსაც თავს დაესხნენ არიან ჩემი შვილი – კატო კოპალეიშვილი და მისი მეგობარი ანა ბარამიძე (ჩემი მეგობრის შვილი Eka Japaridze).

მე სახელმწიფოს ვთხოვ ეს 41 ნომერი ქაჯი კანონის დაცვით და სიმკაცრის იმ სტანდარტით დასაჯოს, რა სტანდარტითიც ლორთქიფანიძის პიჯაკის შემთხვევაში გამოიყენეს.