გურიაში წუხელ ღამით ყაჩაღობა მოხდა. “გურიის მოამბის” ცნობით, შემთხვევის შედეგად ერთი ადამიანი დაიჭრა.
“მეტრონომს” შინაგან სამქმეთა სამინისტროში განუცხადეს, რომ ფაქტზე გამოძიება 179-ე მუხლით მიმდინარეობს, რაც ყაჩაღობას გულისხმობს.
გავრცელებული ინფორმაციით, დაჭრილი სასწრაფო დახმარების ბრიგადამ ჩოხატაურის “მედალფას” კლინიკაში გადაიყვანა და მას სასწრაფო ოპერაცია ჩაუტარდა.
ექიმები აცხადებენ, რომ დაჭრილის მდგომარეობა სტაბილურად მძიმეა და ის ამ წუთებში რეანიმაციულ განყოფილებაში იმყოფება.