“ქალს, რომელსაც ქორწინებაში არაა, მას შეეძლო შვილი გაეჩინა დონაციის გზით. ამ ბრძანების შემდეგ შესაძლოა, მაგის საშუალება აღარ ჰქონდეს. მხოლოდ ერთი რამ შემიძლია ვთქვა, მაღალი ასაკობრივი ქალებისათვის ყოველი ერთი წელი მნიშვნელოვნად საყურადღებოა კვერცხუჯრედების ხარისხისა და რაოდენობის მიზნით სწორად დაგეგმილი ინ ვიტრო განაყოფიერებისთვს. ამიტომ ეს შესაძლოა მათთვის გახდეს შედარებით ნაკლები შანსი.”
არსენ გვენეტაძე – ექიმი-რეპროდუქტოლოგი
აღნიშნულით ექიმი “დღის ამბებში”
იუსტიციის მინისტრის ახალ ბრძაებას გამოეხმაურა, რომლის თანახმადაც თუ ქორწინებიდან 1 წელი არ არის გასული, ქალი ინ ვიტრო(ხელოვნურ) განაყოფიერებას ვერ შეძლებს.
ცნობისთვის,იუსტიციის მინისტრმა 25 აგვისტოს ბრძანებას მოაწერა ხელი. სამოქალაქო აქტების რეგისტრაციის წესში ცვლილებები 2020 წლის 1-ლი სექტემბრიდან ამოქმედდება.
ცვლილებების თანახმად, განაყოფიერებამდე ნოტარიულად დადებული ხელშეკრულების მხარე შეიძლება იყოს “ქალისა და მამაკაცისგან შემდგარი წყვილი, რომლის მიზანსაც წარმოადგენს ექსტრაკორპორული გზით დაბადებული ბავშვის აღზრდა” იმ შემთხვევაში, თუ ისინი:
- იმყოფებიამ ქორწინებაში და ქორწინებიდან გასულია სულ მცირე, 1 წელი;
- იმყოფებიან ფაქტობრივ თანაცხოვრებაში, სულ მცირე, უკანასკნელი 1 წლის განმავლობაში. ქალისა და მამაკაცის ფაქტობრივ თანაცხოვრებაში ყოფნის ფაქტი ნოტარიუსის წინაშე უნდა დადასტურდეს შესაბამისი დოკუმენტებით.